Zelensku ya alwashin murkushe Rasha a yakinsu na fiye da shekaru 2

Shugaban Ukraine ya lashi takobin fattakar Rasha a yakin da suke gwabzawa a tsakanisu, shugaban ya bayyana haka ne a yayin da ake taron cika shekaru biyu da Rasha ta mamaye kasar.

shugaban Ukraine yayin wata ganawarsa da shugaban Amurka Joe Biden © Evan Vucci / АР

Shugaban na Ukraine Volodymyr Zelensky ya sha alwashin samun nasara akan Rasha a yayin da ake cika shekaru biyu da mamayar da tayi a kasarsa, duk da karancin makaman yaki da dakarun kasar ke fama dashi.

Zelensky ya bayyana hakane a filin jirgin saman kasar a yayin da yake tarbar bakin da suka sauka a kasar domin halartar taron cika shekaru 2 da kasar ke fafata fada da Rasha.

Shugaban yayi wannan hasashe ne a yayin da yake ganawa da firaministocin kasashen Canada da na Italiya da kuma shugabar hukumar kungiyar gamayyar turai Ursula Vonder Leyen.